Yangibozor tumani markaziy amfiteatrida umumta’lim maktablarini oltin va kumush medallarga tamomlagan o‘quvchilarni taqdirlash marosimi bo‘lib o‘tdi.  Tadbirda maktabning 11-sinf o‘quvchisi Mamatsoliyeva Sevinchoy Hamza qizi a'lo o‘qishlari va namunali xulqi, turli tanlov va fan olimpiadalarida faol ishtiroki uchun Oltin medal bilan taqdirlandi.

Tadbirni ochib bergan tuman hokimi Ruslan Jumaniyazov bitiruvchilarni bugungi unutilmas kun bilan qutlab, ular mamlakatimizda yoshlarga yaratib berilayotgan imkoniyat va rag‘batdan foydalangan puxta bilim egallashi, katta hayot yo‘lida mamlakatimiz ravnaqi uchun astoydil mehnat qilishi lozimligini ta’kidladi. 

Shundan so‘ng tuman hokimi va sektorlar rahbarlari tomonidan o‘quvchi yoshlarga oltin va kumush medallar tantanali tarzda topshirildi.   

Tadbirning konsert dasturida oromgohlar o‘z chiqishlari bilan ishtirok etdi.